На базе сярэдняй школы №20 г. Барысава адбыўся адзіны дзень інфармавання для асабовага складу Барысаўскага гаррайаддзела па надзвычайных сітуацыях. Тэмай сустрэчы сталі пытанні абарончай моцы беларускага войска і патрыятызм у сучасных умовах.

З прывітальным словам да калег звярнуўся начальнік аддзела Васіль Кузьмянок. Ён пазначыў ключавыя аспекты парадку дня, зрабіўшы акцэнт на важнасці разумення ролі сілавых структур у забеспячэнні бяспекі дзяржавы і фарміраванні грамадзянскай пазіцыі ў асабовага складу.

Галоўным спікерам мерапрыемства выступіў старшы афіцэр аддзела ідэалагічнай работы Паўночна-Заходняга аператыўнага камандавання падпалкоўнік Дзмітрый Кажэўнікаў. Ён падрабязна расказаў работнікам МНС аб развіцці Узброеных Сіл Рэспублікі Беларусь, іх задачах па абароне суверэнітэту краіны. У сваім выступленні падпалкоўнік Кажэўнікаў падкрэсліў непарыўную сувязь паміж патрыятызмам
і прафесійным абавязкам, адзначыўшы, што работнікі МНС, якія штодня ратуюць людзей і ліквідуюць наступствы надзвычайных сітуацый, з’яўляюцца яркім прыкладам служэння народу і Айчыне.

У завяршэнне інфармацыйнай часткі ўдзельнікі сходу паглядзелі відэафільм аб важных грамадска-палітычных падзеях і дзейнасці Міністэрства па надзвычайных сітуацыях.

Мерапрыемства дазволіла работнікам горрайотдела атрымаць актуальную інфармацыю з першых вуснаў і ўмацаваць разуменне важнасці патрыятычных каштоўнасцяў у іх паўсядзённай службе.